پونا(نیوز ڈیسک)سونے کی شرٹ کی وجہ سے سرخیوں میں آئے پمپری چنچوڑ کے گوڈ مین دتا فوگے کے خلاف 13لاکھ کی دھوکہ دھڑی کرنے کا معاملہ روشنی میں آیا ہے۔ پولیس نے اس معاملے میں کیس درج کر لیا ہے ۔ فوگے اور اس کے دو ساتھیوں نے ایک شخص کو رقم نہ لوٹانے کی وجہ سے معاملہ درج ہوا ہے۔ پولیس کے مطابق دتا فو گے اور اس کے دو ساتھی فائنا نس فرم چلاتے ہیں ۔ لوگوں کو زیادہ سود دینے کی پیش کش کرتے ہیں۔ بھگوت چانے نام کے شخص نے 13لاکھ روپے کی رقم لگائی تھی ۔ انہیں سات فیصد سود دینے کا لالچ دیا گیا تھالیکن بھاگو ت کو ان کا سود تو دور ان کے ذریعے بھر ی گئی 13لاکھ کی رقم بھی نہیں ملی۔ انہوں نے گھڑکی پولیس اسٹیشن میں دتا فو گے ‘گنیش مونیار اور رمیش گھاڈ کے خلاف شکایت درج کروائی۔ پولیس نے تینوں دھوکے بازوں کے خلاف دھوکہ دہی کا مقدمہ درج کر لیا ہے