اسلام آباد(مانیٹرنگ ڈیسک)فلوریڈا کی ایک متروکہ ملٹری فضائی بیس میں سے چار برمی اڑدہے نکل آئے جن کے سبب علاقے میں خوف وہراس پھیل گیا۔امریکی ریاست فلوریڈا میں برمی اڑدہوں کے لیے بے پناہ نفرت پائی جاتی ہے اوراس میں روز بروز اضافہ ہورہا ہے جس کا سبب ان اڑدہوں
سے پیش آنے والے افسوس ناک واقعات ہیں۔امریکی محکمہ فش اینڈ وائلڈ لائف سروس کے مطابق چار برمی اڑدہوں نے فلوریڈا کے ایک متروکہ آرمی شیلٹر کو خالی پا کراسے قدرت کی جانب سے تحفہ سمجھا اوراپنا گھر بنا لیا تھا۔یاد رہے کہ برمی اڑدہوں کو ان کو ہلاکت خیزی کے سبب فلوریڈا میں پسند نہیں کیا جاتا اور مرطوب خطوں میں ان کی بڑھتی ہوئی آبادی مقامی لوگوں کے لیے تشویش کا سبب بن رہی ہے۔ان اڑددہوں کو پکڑنے کے لیے یونی ورسٹی آف فلوریڈا اور بھارت سے تعلق رکھنے والے ایک گروپ ارولا (جسے ان عفریتوں کو پکڑنے میں بے پناہ مہارت حاصل ہے) نے مشترکہ کارروائی کی اور متروکہ میزائل بیس میں اب تک چار اڑدہے پکڑے جاچکے ہیں۔یونی ورسٹی آف فلوریڈا کے ماہرین کا کہنا ہے کہ اڑدہوں نے اس علاقے کو اپنا مسکن اس لیے بنایا ہے کہ ایک تو یہاں ان کے لیے وافرمقدار میں خوراک موجود ہے اور دوئم یہ کہ یہاں انسانوں کی آمدو رفت نہ ہونے کے برابرہے۔
