لاہور(نیوز ڈیسک) سانحہ یوحنا آباد کو کئی گھنٹے گزر گئے صورتحال کشیدہ ‘ مشتعل مظاہرین نے توڑ پھور شروع کی دی‘ مسلم لیگ ن کے سینئر رہنما رانا ثنا اللہ وہاں پر پہنچے تومظاہر ین نے ان کی گاڑی کو روک دیا اوران کے خلاف بھی شدید نعرے بازی اور غم غصے کا اظہار کیا تفصیلات کے مطابق اس وقت پنجاب کے مختلف شہروں میں سانحہ یوحنا آباد کے حوالے سے احتجاج جاری ہے مظاہرین نے فیروز پور دوڈ پر گاڑیاں توڑنا شروع کر دیں ہیں اور مظاہرین اس وقت لاہور ‘ ملتان ‘ فیصل آباد‘ گجرانوالہ اور دیگر شہروں میں مختلف مقامات پر اپنے غم و غصے کا اظہار کر رہے ہیں‘ مرنے والوں کی تعداد اس وقت 16 ہو گئی ہے لاہور میں مشتعل مظاہرین اس وقت میٹر بس سروس کے روٹ پر موجود ہیں اور انھوں نے میٹرو بس روٹ پر موجود جنگلے بھی اکھاڑنے شروع کر دیے ہیں‘ دوسری طرف پنجاب حکومت کے ترجمان کا کہنا ہے مظاہرین کے ساتھ مذاکرات کیے جا رہے ہیں امید ہے کہ بہت جلد بات چیت کے ذریعے معاملات کو حل کر لیا جائے گا