ممبئی(این این آئی) بالی ووڈ کے نوجوان اداکاروں ورون دھون اور عالیہ بھٹ کی فلم ’’بدری ناتھ کی دلہنیا‘‘ نے بھارت میں 100 کروڑ سے زائد کمالئے بالی ووڈ اسٹارز ورون دھون اور عالیہ بھٹ کی فلم ’’بدری ناتھ کی دلہنیا‘‘ فلم بینوں کے دلوں کو بھاگئی اور اس نے باکس آفس پر دھوم مچادی ۔ فلم بھارت میں ریلیز کے 14 روز میں ہی 100 کروڑ 74لاکھ کی کمائی کرکے رواں سال کی چوتھی بڑی فلم بن گئی ہے جبکہ فلم نے دنیا بھر

میں میں بھی 33 کروڑ سے زائد کا بزنس کیا ہے اور اس طرح مجموعی طور پر 170 کروڑ سے زائد کمائی کرلی ہے۔فلم ’’بدری ناتھ کی دلہنیا‘‘ 100 کروڑ کلب میں شامل ہونے والی ورون دھون کی تیسری اور عالیہ بھٹ کی دوسری فلم ہے جب کہ اداکارہ عالیہ فلم کے 100 کروڑ کلب میں شامل ہونے پرخوشی سے نہال ہیں اور اپنی ٹوئٹ میں بھی مداحوں کا شکریہ ادا کیا۔واضح رہے کہ اداکار ورون دھون اور عالیہ بھٹ نے 2012 میں فلم ’’اسٹوڈنٹ آف دی ایئر‘‘سے فنی کیرئیر کا آغازکیا تھا۔

موضوعات:عالیہ بھٹ ورون دھون