ممبئی(این این آئی) بالی ووڈ میں 90 کی دہائی میں اداکاری کے جوہر دکھانے والی اداکارہ روینہ ٹنڈن نے کہا ہے کہ برے وقت میں جب سب چھوڑ جاتے ہیں تو صرف سلمان خان ہی ساتھ دیتے ہیں۔بھارتی میڈیا رپورٹس کے مطابق بالی ووڈ میں سلمان خان کے ساتھ 1991 میں فلم پتھرکے پھول سے ڈیبیو کرنے والی اداکارہ روینہ ٹنڈن کا کہنا تھا کہ

میں اورسلمان بہت چھوٹی چھوٹی باتوں پر لڑا کرتے تھے اور ہماری لڑائیاں بھی انڈسٹری میں خاصی مشہور تھیں لیکن سلمان خان ایک بہترین انسان ہیں، اگر مجھے کہا جائے کہ میں اس شخص کا نام لوں جس نے میرا بہت ساتھ دیا تو وہ سلمان خان ہی ہیں۔اداکارہ روینہ ٹنڈن نے کہا کہ برے وقت اور ضرورت کے وقت سب ہی دور ہوجاتے ہیں۔‎