کراچی (نیوز ڈیسک)پاکستان انٹرنیشنل ایئر لائن نے مالی خسارے کے باوجود ایئرہوسٹسز اورکیبن کریو یونیفارم تبدیل کرنیکا فیصلہ کیاہے۔اس سلسلے میں پی ائی اے انتظامیہ نے ملک کے متعدد فیشن ڈیزائنرز کی خدمات بھی حاصل کرلی ہیں جنھوں نے نئے یونیفارم کے نمونے تیارکیے اورقومی ایئرلائن سے بھاری معاوضہ بھی وصول کیاہے۔ نئے یونیفارم کی ریہرسل اج (پیرکو) مقامی ہوٹل میں کی جائے گی۔ اس پروگرام کی خاص بات یہ ہے کہ قومی ایئرلائن انتظامیہ نے اپنے شعبہ تعلقات عامہ کے منیجرسمیت دیگر کو بھی اس پروگرام سے لاعلم رکھا اور فیشن ڈیزائنرزکی اس تقریب اورکوریج کاٹھیکہ ایک پرائیویٹ پی ا ر ایجنسی کودے دیا جس میں لاکھوں روپے اضافی خرچ کیے جارہے ہیں۔پی ا ئی اے فیشن ڈیزائنرکے نام سے منسوب یہ تقریب کراچی کے فائیو اسٹار ہوٹل میں منعقدکی جائے گی جس کے لاکھوں روپے کے اخراجات بھی پی ا ئی اے کے ذمے ہوں گے جبکہ یہ تقریب پی ائی اے کے ہوٹل ایئرپورٹ ان میں بھی منعقدکی جاسکتی تھی تاہم پی ائی اے انتظامیہ کاکہنا ہے کہ تقریب اعلیٰ حکام کی ایما پر منعقد کی جارہی ہے جس میں خسارے کے باوجودپی ائی اے غیرضروری اخراجات کرکے ادارے پرمالی بوجھ کا اضافہ کررہی ہے۔ذرائع کے مطابق پی ا ئی اے انتظامیہ نے ایئر ہوسٹسز اور کیبن کریوکے نئے یونیفارم کومتعارف کرانے کے لیے انتہائی قیمتی دعوت نامے بھی تیارکرائے ہیں۔ تقریب میں پی ا ئی اے کے ایم ڈی شاہنوازرحمن نے مشیر ہوابازی اوراعلی افسران کوبھی خصوصی طورپر مدعوکیا ہے۔ ذرائع نے بتایاکہ ایم ڈی پی ا?ئی اے شاہنوازرحمن نے یونیفارم تبدیل کرنے کی تقریب کو فیشن شو قرار دیا ہے اور کہاہے کہ کیبن کریوکو نئے یونیفارم پہناکر کیٹ واک کی طرزپر ریمپ پرچلایا جائے گا۔