اسلام آباد(نیوز ڈیسک)تیئس مارچ یوم پاکستان پریڈ کا حتمی سیکورٹی پلان تشکیل دیدیا گیا ہے ، 57چیک پوسٹیں اور گراﺅنڈ تیا ر کر لیا گیاہے ، پاک فوج کے چاک وچوبند دستوں نے پریڈ گراﺅنڈ کا کنڑول سنبال لیا ہے ۔پریڈ گراﺅنڈ احاطہ کو خار دار تاروں کے ساتھ ساتھ ایک دیوار سے ڈھانپنے کا کام مکمل ہو گیا ہے ۔11تھانوں کی حدود میں 57پولیس پکٹیں قائم کرنےکا مقصد سیکورٹی کو بہتر سے بہتر بنانا ہے ، اسلام آباد انتظامیہ نے سیکورٹی کی تفصیلات وزارت داخلہ کو اگاہ کر دیا ہے پریڈ گراﺅنڈ کی حفاظت کے لیے 10000پولیس اہلکار و افسران تعینات ہونگے،پولیس ذرائع کے مطابق ہر تھانے کی حدود میں ناکو ں کی تعداد دو سے بڑھا کر پانچ کر دی گئی ہے جبکہ وفاقی پولیس کے کمانڈوز،گھڑ سوار وں ،رینجرز،ایف سی ،پنجاب پولیس اور کشمیر پولیس کے اہلکار اپنی ڈیوٹی کے فرائض سر انجام دیں گے،پریڈ کے موقع پر پہلا حصار پاک فوج دوسرا رینجرز اور تیسر اپولیس و ایف سی کا ہو گا،گراﺅنڈ میں وی وی آئی پیز اور دیگر انکلیو ڈپلومیٹ کے لیے جگہ مختص کر دی گئی ہے ،وزیر آعظم اور مسلح افواج کے سربراہا ن ،غیر ملکی سفرااور وفاقی وزرا سمیت دیگر افراد کو خصوصی پاسز بھجو ا دئیے گئے ہیں۔