اسلام آباد (مانیٹرنگ ڈیسک) برطانیہ کے محل میں جہاں ایک قدیم رومی تابوت کو گزشتہ دو صدیوں سے گلدان کے طور پر استعمال کیا جا رہا تھا ۔ تفصیلات کے مطابق 1700 سال قدیم اس تابوت کو پانچویں ڈیوک آف مارلبورو کے دور میں حاصل کر کے آکسفورڈ کے بلنہایم محل میں سجایا گیا تھا ۔اس محل میں اسے 200 سال تک گلدان کےطور پر استعمال کیا جاتا رہا تحقیقات کے بعد معلوم ہوا کہ یہ ماربل کے سفید تابوت کا سامنے کا حصہ ہے ۔

اس دریافت کا سہرا قدیم اشیا کے ایک ماہر کو جاتا ہے ، یہ ماہر کسی اور کام سے محل میں آیا تھا مگر اس نے اس گلدان کو تابوت کے طور پر شناخت کرلیا ۔یہ تابوت 6 فٹ لمبا ہے اور اس کا وزن 1188 پاؤنڈ ہے ۔ یہ تابوت ابھی بھی بہت اچھی حالت میں ہے ۔ محل کے ترجمان ، جوناتھن پرنس نے میڈیا کو بتایا کہ اسی طرح کا ایک تابوت 120,000 ڈالر میں فروخت ہوا تھا جبکہ مذکورہ تابوت کی قیمت 364,590 ڈالر ہے مگر اسے فروخت نہیں کیا جائیگا ۔