لاہور(مانیٹرنگ ڈیسک) ملک بھر میں سردی ایک بار پھر عروج پر ہے تو پہاڑوں پر وقفے وقفے سے برفباری کا سلسلہ بھی جاری ہے۔ لاہور سمیت دیگر شہروں میں سرد ہواؤں کا راج ہے۔ محکمہ موسمیات کا کہنا ہے کہ آج کئی شہروں میں موسم خشک اور آسمان پر ہلکے بادل رہیں گے۔

آئندہ چوبیس گھنٹے کے دوران گلگت بلتستان میں بعض مقامات پر گرج چمک کے ساتھ ہلکی بارش اور سردی میں مزید اضافے کا بھی امکان ظاہر کیا گیا ہے۔ محکمہ موسمیات نے لاہور سمیت پنجاب کے بیشتر شہروں میں مزید بارش کی پیشگوئی بھی کر دی ہے۔