گوادر (آئی این پی) گوادر شہرمیں پل کے نصب بم دھماکہ ، کوئی جانی نقصان نہیں ہوا ، دھماکے سے پل کو نقصان پہنچا۔ پولیس ذرائع کے مطابق گوادرمیں مین سربندر روڈ پر واقع پل کے نیچے دہشتگردوں نے بم نصب کر رکھا تھا جس کی پولیس کو علی الصبح اطلاع ملی۔ پولیس نے فوری طور پر بم ڈسپوزل

سکواڈ کی کو طلب کیا ، لیکن بی ڈی ٹیم کے پہنچنے سے پہلے ہی بم پھٹ گیا جس کے نتیجے میں پل کو جزوی نقصان پہنچا لیکن کوئی جانی نقصان نہیں ہوا۔ دھماکے کے بعد پولیس اور بم ڈسپوزل سکواڈ نے شواہد اکھٹے کئے ، پولیس کے مطابق بم کا وزن 5 سے 7 کلو تھا جس کو ریموٹ کنٹرول سے اڑایا گیا۔