اسلام آباد(آئی این پی)پاکستان سپر لیگ سپاٹ فکسنگ معاملے پر ایف آئی اے کی ابتدائی رپورٹ وزیر داخلہ کو پیش کر دی گئی ‘ رپورٹ میں کھلاڑیوں کے ملوث ہونے کے امکانات سے متعلق اہم نکات کی نشاندہی کی گئی ہے ‘ چوہدری نثار علی خان نے ایف آئی اے کو تحقیقات جلد مکمل کرنے کی ہدایت کرتے ہوئے کہا ہے کہ
معاملہ بدعنوانی کا ہی نہیں ملک کی نیک نامی کا ہے ۔ تحقیقات ضروری ہیں۔ پی ایس ایل سپاٹ فکسنگ معاملے پر ابتدائی رپورٹ وزیر داخلہ چوہدری نثار کو پیش کی گئی۔ رپورٹ میں کہا گیا کہ پی سی بی کو دی گئی معلومات کا فرانزک جائزہ لیا جائے گا۔ کھلاڑیوں کے موبائل فونز سے پیغامات مٹانے کا بھی تفصیلی جائزہ لیا جا رہا ہے۔
