اسلام آباد(آئی این پی)عمران خان نے پی ٹی آئی کی پارلیمانی پارٹی کا اجلاس آج صبح10بجے طلب کر لیا ، اجلاس میں رکن اسمبلی مراد سعید کے ساتھ مسلم لیگ (ن) کے رہنما جاوید لطیف کے نازیبا رویے کا جائزہ لیا جائے گا ، معاملے پر دیگر سیاسی مشاورت کے بعد ایوان زیریں میں سخت موقف اپنایا جائے گا ۔ تحریک
انصاف کی پارلیمانی پارٹی کا اجلاس رکن قومی اسمبلی عارف علوی کی زیر صدارت ہوگا ۔ اجلاس میں مراد سعید اورجاوید لطیف کے جھگڑے پر غور اور قومی اسمبلی اجلاس سے متعلق حکمت عملی طے کی جائے گی ۔ اجلاس میں رکن اسمبلی جاوید لطیف کے بیان پر سخت موقف اپنانے بارے بھی جائزہ لیا جائے گا ۔
