لاہور/پشاور(آئی این پی)چیئرمین تحریک انصاف عمران خان کی جانب سے لاہور میں پاکستان سپر لیگ کا فائنل میچ کرانے کی شدید مخالفت اور میچ نہ دیکھنے کے اعلان کے باوجود خیبر پختونخوا کے 3وزرا میچ دیکھنے لاہور پہنچے۔ تفصیلات کے مطابق پی ٹی آئی چیئر مین عمران خان کی مخالفت اور پنجاب حکومت کے ساتھ ساتھ پی سی بی حکام پر کڑی تنقید کے باوجود
تحریک انصاف کے 3وزرافائنل میچ دیکھنے کیلئے لاہور آئے۔وزیر اعلی خیبرپختونخوا پرویز خٹک کی ہدایت پر پشاور زلمی کو سپورٹ کرنے کے لیے صوبائی کابینہ کے3 وزراء شاہ فرمان ، عاطف خان اور شہرام ترکئی بے قذافی سٹیڈیم میں پی ایس ایل فائنل دیکھا۔ اس کے علاوہ گورنر خیبر پختونخوا اقبال ظفر جھگڑا نے بھی قذافی سٹیڈیم جا کر فائنل میچ دیکھا۔
