لاہور (آئی این پی )انٹرنیشنل کرکٹ سے ریٹائرمنٹ کے بعد اپنے ملک میں شائقین کرکٹ کے سامنے پرفارم کرنے کی شاہد آفریدی کی آخری خواہش پوری نہ ہوسکی، شاہد آفریدی سمیت شایقین کرکٹ افسردہ،فائنل سے پہلے پشاور زلمی کو دھچکا،شاہد آفریدی زخمی ہونے کی وجہ سے پی ایس ایل فائنل سے باہر ہوگئے ۔دبئی میں پی ایس ایل ٹو کے پشاور زلمی اور کراچی کنگز کے درمیان فیصلہ کن میچ میں

کیرین پولارڈ کا کیچ پکڑتے ہوئے شاہد آفریدی زخمی ہو گئے ان کا کہنا ہے کہ وہ پی ایس ایل کا فائنل نہیں کھیل پائیں گے۔اپنے وڈیو پیغام میں شاہد آفریدی نے کہا کہ ڈاکٹرز نے مجھے دس دن آرام کا مشورہ دیا ہے،میری خواہش تھی کہ فائنل کھیلوں،پرنہیں کھیل پاؤں گا۔انہوں نے کہا کہ میرے لیے پی ایس ایل بہت بڑا چیلنج تھا، امید ہے میری پرفارمنس سے شائقین نے انجوائے کیا ہوگا۔ ان کا مزید کہنا تھا کہ ’میری بڑی خواہش تھی کہ لاہور جا کر پی ایس ایل کا فائنل کھیلوں، لیکن کچھ چیزیں ہمارے بس میں نہیں ہوتیں۔‘ ڈاکٹرز نے انھیں دس دن کا آرام بتایا ہے جس کی وجہ سے وہ فائنل نہیں کھیل سکیں گے۔ جو بھی کرکٹ باقی رہ گئی ہے وہ ان کے مداحوں کے لیے ہے ۔تاہم اپنی ٹیم کی کامیابی کے بعد شاہد آفریدی کے ٹویٹ کیا ’فائنل میں پہنچ کر ہمیشہ سے زیادہ خوشی ہوئی ہے۔ پشاور زلمی کے کھلاڑیوں نے اعزاز کے حصول کے لیے اپنے عزم کا بھرپور اظہار کیا۔