لاہور ( این این آئی) پاکستان سپر لیگ کے فائنل میچ کے لیے ٹکٹوں کی آن لائن فروخت دوبارہ شروع کر دی گئی ،اسٹیڈیم میں جا کر میچ دیکھنے کے خواہش مند شائقین کرکٹ کے لئے 8ہزار اور 12ہزار روپے کے ٹکٹ دستیاب ہیںجنہیں حاصل کرنے کے لئے شائقین کرکٹ پرجوش ہیں ۔ تفصیلات کے مطابق شائقین کی جانب سے بے حد اصراراور آن لائن بکنگ کیسنل کیے جانے کے خلاف احتجاج کے بعد پی ایس ایل انتظامیہ نے ٹکٹوں
کی آن لائن فروخت دوبارہ شروع کر دی ہے۔چیئرمین پی ایس ایل نے ٹکٹوں کی آن لائن فروخت کی اطلاع سماجی رابطوں کی ویب سائٹ ٹوئٹر پر بھی دی۔ اپنے ٹویٹ میں نجم سیٹھی نے بتایا کہ عوام کے پرزوراصرار پر ہم نے ٹکٹوں کی کارپوریٹ فروخت روکتے ہوئے آن لائن فروخت کیلئے مزید ٹکٹ رکھے ہیں۔ شائقین مخصوص ویب سائٹ پر 8اور 12 ہزار والے ٹکٹ بک کراسکتے ہیں۔پی ایس ایل فائنل کیٹکٹ مقامی ہوٹل سے بھی حاصل کئے جا سکتے ہیں۔پشاورزلمی اور کوئٹہ گلیڈیٹرز کے درمیان فائنل میچ آج بروز اتوار رات 8 بجے لاہور کے قذافی اسٹیڈیم میں شروع ہوگا۔
