اسلام آباد(مانیٹرنگ ڈیسک) ڈاکٹر عاصم بھی کرکٹ دیوانے نکلے، پی ایس ایل فائنل دیکھنے کے خواہشمند، صحافیوں کے سامنے جیل انتظامیہ کا شکوہ کر ڈالا۔ تفصیلات کے مطابق کراچی کی احتساب عدالت میں پیشی کے موقع پر میڈیا سے گفتگو کرتے ہوئے ڈاکٹر عاصم کا کہنا تھا کہ لاہور میں پی ایس ایل فائنل کا انعقاد خوش آئند ہے۔
جب ان سے سوال پوچھا گیا کہ کیا آپ بھی فائنل میچ دیکھیں گے تو ڈاکٹر عاصم نے شکوہ کرتے ہوئے کہا کہ’’ جیل میں ٹی وی ہی نہیں میں میچ کیسے دیکھ سکتا ہوں‘‘۔جب صحافی نے ڈاکٹر عاصم سے سوال کیا کہ آپ فائنل میں کس ٹیم کو سپورٹ کر رہے ہیں تو جواب میں ڈاکٹر عاصم مسکرا دیئے ۔
