لاہور(آئی این پی)لاہور ہائیکورٹ کے د ورکنی بنچ نے سانحہ ماڈل ٹاؤن میں گاڑیوں کی توڑ پھوڑ کے الزام میں سزا پانے والے گلو بٹ کی اپیل پرتحریری فیصلہ جاری کردیا ہے ۔لاہورہائیکورٹ کے جسٹس طارق عباسی اور جسٹس چوہدری مشتاق کی سربراہی میں دو رکنی بنچ نے پانچ صفحات پر مشتمل فیصلہ جاری کیا

۔فاضل بنچ نے تحریر ی فیصلے میں گلو بٹ کی اپیل جزوی طور پر منظور کرتے ہوئے انسداد دہشتگردی کی دفعات ختم کر دیں جبکہ تعزیرات پاکستان کی دفعات کے تحت گلو بٹ کی چھ سال کی مجموعی سزائیں برقرار رکھی ہیں۔بتایا گیا ہے کہ تعزیرات پاکستان کی دفعات کے تحت گلو بٹ قید کی سز ا بھگت چکا ہے اور کاغذی کارروائی مکمل ہونے پر جلد رہائی ہو جائیگی ۔