لاہور (آئی این پی)پنجاب اسمبلی میں قائد حزب اختلاف میاں محمود الر شید نے مسلم لیگ ن کو شیطان کا ’’ سہولت کار‘‘ قرار دیدیا۔ وزیر قانون رانا ثنا ء اللہ کے بیان پر اپنے ردعمل میں اپوزیشن لیڈر نے کہا کہ قوم کا پیسہ لوٹ کر بیرون ملک کمپنیاں بنانے والے اصل شیطان ہیں، پنجاب پبلک سیکرٹریٹ میں صحافیوں سے بات چیت کرتے ہوئےانہوں نے کہا کہ غیر معروف غیر ملکی یا صرف اپنی کلب ٹیموں کے کھلاڑی ملا کر پی ایس ایل کا فائنل کروانے والے کس کو دھوکہ اور پیغام دے رہے ہیں؟
اپوزیشن لیڈر نے کہا کہ ہزاروں اہلکاروں اور کرفیو لگا کر فائنل کروانا حکومت کی جیت نہیں، حکومت صرف قوم کی پا نا مہ سے توجہ ہٹانے کیلئے اتنا بڑا رسک لے رہی ہے، حکومت اپنی شو باز یوں اور کرپشن پر ہمیشہ ہمیشہ کیلئے جانے والی ہے۔ ایک سوال کے جواب میں میاں محمود الر شید نے کہا کہ پی ایس ایل کا بھی آڈٹ ہونا چاہئے، آئندہ اسمبلی اجلاس میں اس پر بات کریں گے، عمران خان کے بیان کی وضاحت کرتے ہوئے میاں محمود الر شید نے کہا کہ کھیلوں کا فروغ تحریک انصاف کی پالیسی کا حصہ ہے، بیان کو میڈیا میں درست انداز میں پیش کیا گیا لیکن فہم و فراست سے عاری حکمرانوں نے اسے غلط رنگ دینے کی کوشش کی اب پوری قوم پی ایس ایل کے ساتھ ساتھ عمران خان کے بیان کو سپورٹ کر رہی ہے، میاں محمود الر شید نے کہا کہ پی ایس ایل کا بھی آڈٹ ہونا چاہئے، آئندہ اسمبلی اجلاس میں اس پر بات کریں گے، عمران خان کے بیان کی وضاحت کرتے ہوئے میاں محمود الر شید نے کہا کہ کھیلوں کا فروغ تحریک انصاف کی پالیسی کا حصہ ہے، بیان کو میڈیا میں درست انداز میں پیش کیا گیا لیکن فہم و فراست سے عاری حکمرانوں نے اسے غلط رنگ دینے کی کوشش کی اب پوری قوم پی ایس ایل کے ساتھ ساتھ عمران خان کے بیان کو سپورٹ کر رہی ہے، انہوں نے کہا کہ اتنی سکیورٹی میں، ہسپتالوں میں ایمرجنسی لگا کر، شہر میں کرفیو لگا کر نا تو انٹرنیشنل کرکٹ بحال ہو گئی نہ امن کا پیغام جائیگا۔
