لاہو ر(این این آئی ) اداکارہ فضاء علی نے شوبز چھوڑنے کا فیصلہ کر لیا ، دو پراجیکٹ مکمل کرنے کے بعد شوبز سے مکمل کنارہ کشی اختیار کر لیں گی۔ ذرائع کے مطابق اداکارہ فضاء علی نے اپنے شوہر کی خاطر شوبز چھوڑنے کا حتمی فیصلہ کر لیا ہے چند ماہ قبل ان کے شوہر نے ان کو شوبز چھوڑ کر گھر کی ذمہ داریاں ادا کرنے کے لئے کہا تھا جس پر فضاء علی نے کہا کہ
و ہ اپنے زیر تکمیل پروجیکٹ مکمل کرنے کے بعد ہمیشہ کے لئے شوبز چھوڑ دیں گی ۔انہوںنے مختلف پروڈیوسرز کے ڈرامہ سیریل اور شوز کرنے کے معاہدے کر رکھے تھے اب انہوںنے تقریباً 90فیصد سے زیادہ کام کرلیا ہے صرف دو ڈرامہ سیریل تکمیل کے مراحل میں ہیں ان کے مکمل ہونے کے ساتھ ہی وہ شوبز چھوڑ کرگھریلوذمہ داریاں سنبھال لیں گی ۔
