اسلا م آباد(مانیٹرنگ ڈیسک) وزیرمملکت اطلاعات مریم اورنگزیب نے کہاہے کہ پی ایس ایل کافائنل لاہورمیں کرانے کافیصلہ بہت بڑاہے اورپنجا ب حکومت نے ایک بڑادلیرانہ فیصلہ کیاہے ۔ایک نجی ٹی وی سے گفتگوکرتے ہوئے مریم اورنگزیب نے عمران خان کی طرف سے پی ایس ایل کافائنل لاہورمیں کرانے کی
مخالفت پرردعمل دیتے ہوئے کہاکہ عمران خان پاکستانی بال ٹھاکرے بننے کی کوشش نہ کریں اوراپنی دیگرناکامیوں کوچھپانےکےلئے پنجاب حکومت کے اس فیصلے کوتنقید کانشانہ نہ بنائیں ۔انہوں نے کہاکہ یہ فیصلہ قومی مفادمیں کیاگیاہے ۔اسی طرح دانیال عزیزنے عمران خان پرتنقید کرتے ہوئے کہاکہ عمران خان کاپی ایس ایل کافائنل لاہورمیں کرانے کی مخالفت بیمارذہنیت کی عکاس ہے ۔
