د وبئی (آئی این پی) دبئی میں پاکستان سپر لیگ کے دوسرے ایڈیشن کا میدان سجا ہوا ہے۔ پشاور زلمی نے دبئی اسٹیڈیم میں میچ دیکھنے کیلئے گزشتہ روز بھارتی اداکارہ سونم کپور کو دعوت دی۔ تاہم پی سی بی نے بھارتی اداکارہ سونم کپور کو دبئی اسٹیڈیم میں آنے سے روک دیا۔بھارتی اداکارہ کو کرکٹ اسٹیڈیم کے گیٹ سے واپس بھیج دیا گیا۔واضح رہے گزشتہ روز پشاور زلمی کا نے سنسنی خیز مقابلے کے بعد کوئٹہ گلیڈی ایٹرز کو شکست دیدی تھی۔دوسری جانب اداکارہ مہوش حیات نے کہاہے کہ آنے

والے وقت میں پاکستانی فلمیں پوری دنیامیں اپنی شناخت بنائینگی ، پاکستان سپر لیگ سے دنیا بھر میں ہمارا سافٹ امیج ابھر رہا ہے۔ فائنل میں غیر ملکی کھلاڑیوں کی آمد سے بھی شو بز اور کرکٹ کا خوب رنگ جمے گا۔ انہوں نے کہا کہ ہمارے ملک میں نوجوان فلم میکرزاورہنرمندجس اندازسے محنت کررہے ہیں وہ رائیگاں نہیں جائے گی۔گزشتہ برس عیدین اوریوم آزادی کے موقع پرریلیزہونے والی فلموں نے فنکاروں اورفلمسازو ں کی حوصلہ افزائی کی ہے میں نے بھی فلمی صنعت کی ترقی میں اپناحصہ ڈالنے کے لئے فلم میں اداکاری کی جس کو فلم بینوں نے سراہا کرمیری حوصلہ افزائی کی۔معیاری فلمیں بناکر ہم غیر ملکی فلموں کا مقابلہ کرسکتے ہیں۔ اس وقت چالیس سے زائد فلمیں بن رہی ہیں۔