لاہور( این این آئی )ڈی آئی جی آپریشنز ڈاکٹر حیدر اشر ف کی ہدایت پرلاہو ر کے تمام ڈویژنل ایس پیز نے پولیس کی بھاری نفری کے ساتھ مختلف گوداموں ،ہوٹلوں، ورکشاپوں ،دکانوں،پلازوں،مدارس ،سرائے ،ہاسٹلز ،گیسٹ ہاؤسز،گھروں ،ریلوے اسٹیشن ،بس اڈوں اور دیگر مقامات پر سرچ آپریشن کرکے45مشکوک افرادکو مزید تفتیش کے لیے حراست میں لے لیا ۔سرچ آپریشن میں ایلیٹ فورس ، کیو آر ایف ، پیرو ،ڈولفن اور حساس اداروں کے نمائندوں نے بھی حصہ لیا ۔

سرچ آپریشن کے دوران977گھروں اور195سے زائد کرایہ داروں ، 03 ہزارسے زائد افراد ،22ہوٹلوں ،03بس اڈوں ،278دکانوں،01ریلوے اسٹیشن ،مدارس و دیگر مقا مات کو چیک کیا گیا۔سرچ آپریشن کے دوران بائیو میٹرک مشینوں کے ذریعے افراد کی تصدیق کی گئی۔ ڈی آئی جی آپریشنز ڈاکٹر حیدر اشرف نے اس موقع پر کہا کہ امن و امان کی صورت حال کو برقرار رکھنے کے لئے پورے شہر میں سرچ آپریشنز روزانہ کی بنیاد پر ہوں گے ۔