کراچی(مانیٹرنگ ڈیسک) کالعدم جماعت القاعدہ نے کراچی پولیس کے اہم آفیسر رائو انوار سے اپنے ساتھیوں کی ہلات کا بدلہ لینے کا اعلان کر دیا۔ تفصیلات کے مطابق انٹیلی جنس اداروں نے دہشتگردوں کی ایک کال ٹریس کی ہے جس میں عمر خراسانی نامی دہشتگرد کی جانب سے یہ پوچھا گیا ہے کہ رائو انوار اب تک کیوں بچا ہوا ہے؟ اس کال کے ٹریس کئے جانے کے بعد پولیس آفیسر رائو انوار کی سیکورٹی کو بہتر بنانے کیلئے

انہیں مزید نفری بھی فراہم کر دی گئی ہے۔ پولیس کی نفری کو رائو انوار کی رہائش گاہ پر بھی تعینات کر دیا گیا ہے۔ واضح رہے کہ سندھ پولیس کے اہم آفیسر رائو انوار نے کراچی میں دہشتگردانہ کارروائیوں اور جرائم پیشہ عناصر کیخلاف قابل ذکر کارنامے سر انجام دیئے ہیں اور چند روز قبل بھی انہوں نے رات گئے آپریشن میں 8دہشتگردوں کو ہلاک کیا تھا۔