کراچی(این این آئی) ملک میں بڑھتے ہوئے دہشتگردی کے واقعات کے بعد حساس اداروں نے جرائم میں ملوث غیرملکی باشندوں کی تفصیلات جمع کرناشروع کردیں ہیں، بھارتی، افغانی، برمی، بنگالی سمیت دیگر کی تفصیلات جمع کی جارہی ہیں۔ذرائع کے مطابق ملک بھر میں دہشتگردی کی حالیہ لہر کے بعد دہشتگردوں اور سہولت کاروں کیخلاف سخت کارروائی کا فیصلہ کیا گیا ہے اس ضمن میں حساس ادارے متحرک ہوگئے ہیں۔

ذرائع کے مطابق حساس اداروں نے جرائم میں ملوث غیرملکی باشندوں کی تفصیلات جمع کرناشروع کردی ہیں۔غیر ملکی باشندوں کو دہشتگردی کی وارداتوں کے تناظر میں جانچا جائے گا۔زرائع کے مطابق بھارتی، افغانی، برمی، بنگالی سمیت دیگر کی تفصیلات جمع کی جارہی ہیں۔ذرائع کے مطابق رواں سال 57غیر ملکیوں کے خلاف 26 سے زائد مقدمات درج ہوئے،34غیرملکیوں کو سزا اور14 کے مقدمات چل رہے ہیں ۔ذرائع کے مطابق رواں سال 226 بھارتیوں سمیت 328 غیر ملکیوں کو ڈی پورٹ کیا گیا، ڈی پورٹ ہونے والوں میں 59 سے زائد بنگالی اور افغانی بھی شامل ہیں۔

موضوعات:غیر ملکی کراچی پاکستان