سلام آباد (احمد ارسلان سے )شاہ سے زیاد ہ شاہ کی وفاداریاں ، وزیر مملکت انوشہ رحمان نے نجی ٹی وی چینل کے رپورٹر کو جیل بھجوانے کی دھمکی دیدی ۔ تفصیلات کے مطابق سپریم کورٹ آف پاکستان میں آج معمول کے مطابق پانامہ کیس کی ہوئی ۔ کیس کی سماعت کے بعد معمول کےمطابق سیاستدان اور صحافی برادری سوال و جواب کیلئے
اکھٹی ہوئی تو وزیر مملکت انوشہ رحمان نے نجی ٹی وی چینل کے صحافی اور نیوز ایجنسی کے رپورٹر سے موبائل چھین لیا اور اس میں موجودساری فوٹیجز ڈیلیٹ کر دیں جبکہ صحافی کو 14سال کیلئے جیل بھیجنے اور ایف آئی اے کے حوالے کرنے کی دھمکی بھی دی ۔متاثرہ صحافی کا کہنا ہے کہ انوشہ رحمان نے مجھ سے موبائل فون چھینا اور دھمکی بھی دی جب کہ ایک اورصحافی نے کہا کہ انوشہ رحمان قرآن پر ہاتھ رکھ کر بتائیں کہ وہ خود عدالت کے اندر سے موبائل فون سے مریم نواز کو میسج نہیں کرتیں۔ معاملے کو ٹھنڈا کرنے کیلئے جب سعد رفیق سامنے آئے تو صحافیوں کا احتجاج دیکھ کر انہیں بھی ہٹنا پڑا ۔ اب تازہ ترین میڈیا رپوٹس کے مطابق صحافی برادری سپریم کورٹ آف پاکستان کے باہر احتجاج کر رہی ہے اور وزیر مملکت انوشہ رحمان کے خلاف نعرے بازی کی جا رہی ہے ۔
