اسلام آباد (مانیٹرنگ ڈیسک) عدالت عظمیٰ نے شریف فیملی کی شوگرملز سے متعلق کیس کی نظر ثانی کی درخواستیں خارج کر دی۔تفصیلات کے مطابق سماعت کے دوران عدالت نے ریمارکس دیتے ہوئے کہا کہ ہائی کورٹ میں شوگر ملوں سے متعلق کیس شروع ہو چکا ہے۔ ہائیکورٹ کو معاملے کا فیصلہ کرنے دیا جائے۔یاد رہے کہ چند روز قبل
لاہور ہائیکورٹ نے بھی شریف خاندان کی تینوں شوگر ملزکو کرشنگ سے روک دیا تھا اور چیف جسٹس لاہور ہائی کورٹ نے وکیل کو وارننگ دیتے ہوئے کہا اگرکرشنگ ہوئی تو ذمےداری آپ پر عائد ہوگی۔چیف جسٹس نے ریمارکس میں کہا کہ متعلقہ سیشن ججز کو ہدایات جاری کریں گے کہ وہ جائزہ لیں کہ کرشنگ ہورہی ہے یا نہیں۔عدالت نے رجسٹرار ہائیکورٹ کو سیشن ججز سے رپورٹ طلب کرنے کے احکامات جاری کئے تھے۔
