شکارپور(مانیٹرنگ ڈیسک) ہے جذبہ جنوں تو ہمت نہ ہار۔۔ شکار پور کے شہریوں نے بہادری کی عظیم مثال قائم کرتے ہوئے خود کش بمبار کو مشتبہ حرکتیں کرتے ہوئے دیکھا اور دیکھتے ہی پکڑ لیا۔ تفصیلات کے مطابق شکار پور میں ایک نوجوان خودکش بمبار کو لوگوں نے دیکھا تو خوفزدہ ہونے کی بجائے آگے بڑھے اور خود کش بمبار ک دھر لیا۔ اس موقع پر چند لوگ آوازیں لگاتے رہے کہ
پیچھے ہٹ جائو کہیں یہ پھٹ نہ جائے لیکن شہریوں نے بہادری کی مثال قائم کرتے ہوئے خودکش بمبار کو قابو کئے رکھا اور اس کی خود کش جیکٹ اتار پھینکی۔ شہریوں نے خود کش بمبار کو قابو کرنے کے بعد اسے سیکورٹی اہلکاروں کے حوالے کر دیا۔ شہریوں کی جانب سے دہشتگرد کو پکڑنے کی وڈیو نے سوشل میڈیا پر دھوم مچا دی ہے۔
