لاہور(آئی این پی) عوامی مسلم لیگ کے سربراہ شیخ رشید احمد نے 2017کو ہی عام انتخابات کا سال قرار دیتے ہوئے کہا ہے کہ نوازشریف بطور وزیر اعظم اپنی آئینی مدت پوری نہیں کر سکیں گے ‘(ن) لیگ کو پانامہ کیس میں اپنی شکست نظر آرہی ہے نوازشریف کسی بھی وقت ’’سر پرائز ‘‘دے سکتے ہیں ‘فوجی عدالتوں کے معاملے میں مولانا فضل الر حمن اور آصف زرداری کی حکومت سے ڈیل ہو جائیگی ۔ اپنے ایک انٹر ویو میں

شیخ رشیداحمد نے کہا کہ پانامہ کیس کا فیصلہ فروری کے آخر یا زیادہ سے زیادہ مارچ کے دوسرے ہفتے میں دیکھ رہا ہوں اور مجھے یقین ہے کہ فیصلہ نوازشر یف کے خلاف اور عوام کے حق میں آئیگا اور قوم کی کر پٹ حکمرانوں سے جان چھوٹ جائیگی ۔ انہوں نے کہا کہ میں نجومی نہیں لیکن مجھے یقین ہے کہ رواں سال ہی عام انتخابات کا سال ہے اور نوازشر یف کی وزیر اعظم کے عہدے سے رخصتی بھی اسی سال ہو جائیگی ۔