لاہور (مانیٹرنگ ڈیسک)پنجاب میں امن و امان کی صورتحال بہتر بنانے کے لئے فورتھ شیڈول میں شامل 80 افراد کو حراست میں لینے کا فیصلہ کیا گیا ہے۔ذرائع کے مطابق پنجاب میں امن و امان کی صورتحال سے متعلق وزیرقانون پنجاب رانا ثنااللہ کی زیرصدارت اجلاس ہوا جس میں آئی جی پنجاب، ایڈینشنل آئی جی، سی ٹی ڈی اور دیگر افسران نے بھی شرکت کی۔ اجلاس میں فیصلہ کیا گیا کہ فورتھ
شیڈول میں شامل 80 اہم افراد کو حراست میں لیا جائے گا۔ اجلاس میں جرائم پیشہ 112 انتہائی مطلوب افراد کی بھی گرفتاری کی منظوری دے دی گئی ہے جب کہ فیصلہ کیا گیا ہے کہ پنجاب میں نام بدل کر کام کرنے والی کالعدم تنظیموں کے گرد گھیرا تنگ کیا جائے گا ۔
