کراچی(این این آئی)پاک بحریہ کے سربراہ ایڈمرل محمدذکاء اللہ نے کہاہے کہ پاکستان روس کے ساتھ مستقبل میں بھی مزید جنگی مشقیں کرنے پر غور کررہاہے۔اس حوالے سے بات چیت آخری مراحل میں ہے ۔میڈیا سے بات چیت میں پاک بحریہ کے سربراہ نے کہاکہ عالمی سطح پر پاکستان کو تنہا کرنے کا بھارتی پروپیگنڈا ایک بار پھر ناکام ہوگیا ، پاکستانی پانیوں میں جاری 37 ممالک کی
مشترکہ مشقیں بھارتی واویلے کا منہ توڑ جواب ہیں۔انہوں نے کہاکہ مزید پاک روس مشترکہ جنگی مشقوں کیلئے دونوں ممالک کے درمیان مذاکرات ختمی مراحل میں ہیں۔ وہ بہت ہی خوش ہیں کہ پہلی بار روس ان مشقوں میں شریک ہے۔ انہوں نے مسرت کا اظہار کرتے ہوئے کہا کہ مستقبل میں بھی پاکستان روس کے ساتھ ہر قسم کی مشترکہ جنگی مشقیں کرنے جارہاہے بس تاریخ طے ہونا باقی ہے۔
