پشاور(آئی این پی) سابق گورنر خیبر پختونخوا سردار مہتاب عباسی کو وزیر اعظم کا مشیر ایوی ایشن مقرر کئے جانے کے بعد وزیر اعظم کے مشیر انجینئر امیر مقام کو مسلم لیگ (ن) کا اہم عہدہ دینے کا اصولی فیصلہ کر لیا گیا ہے۔ جس کا باضابطہ اعلان آئندہ چند روز میں کر دیا جائے گا۔ وزیر اعظم نواز شریف ان کے قریبی ساتھی انجینئر امیر مقام کی طرف سے صوبے میں کامیاب جلسے منعقد کرانے ‘ تحریک انصاف کو ٹف ٹائم دینے اور اہم سیاسی رہنماؤں کی
مسلم لیگ (ن) میں شمولیت سے خوش ہیں اور انہیں مسلم لیگ (ن) میں اہم عہدہ دینے پر رضا مند تھے تاہم سردار مہتاب عباسی کو وزیر اعظم کے مشیر بننے کا انتظا رکیا جا رہا تھا۔ ذرائع کے مطابق امیر مقام نے گزشتہ ایک سال کے دوران صوبے میں مسلم لیگ (ن) کے کامیاب اور بڑے جلسے منعقد کرانے کا اپنا فعال کردار اد اکیا۔ حال ہی میں صو ابی کے جلسے کی رپورٹ وفاقی وزیر ریلوے خواجہ سعد رفیق نے بھی وزیر اعظم کو پیش کی تھی۔
