لاہور (مانیٹرنگ ڈیسک)وزیر اعظم نوازشریف اور آرمی چیف جنرل قمر جاوید باجووہ لاہور پہنچ گئے۔ذرائع کے مطابق وزیر اعظم نوازشریف مال روڈ خودکش حملے میں شہید ہونے والے ڈی آئی جی ٹریفک لاہور کیپٹن (ر) سید احمد مبین کے اہل خانہ سے تعزیت کیلئے لاہور پہنچ گئے ہیں جبکہ آرمی چیف جنرل قمر جاوید باجودہ بھی لاہو ر پہنچے ہیں ۔ چیئرمین پی ٹی آئی عمران خان بھی آ ج لاہور
پہنچے ہیں جہاں انہوں نے گنگا رام ہسپتال جا کردھماکے کے زخمیوں کی عیادت کی۔گزشتہ شام چیئرنگ کرا س دھماکے میں شہید ہونے والے ڈی آئی جی کیپٹن (ر) سید احمد مبین کو گارڈ آف آنر کے بعد کیولری گراؤنڈ قبرستان میں سپرد خاک کر دیا گیا ہے جبکہ ایس ایس پی آپریشنز زاہد اکرام گوندل کی نماز جنازہ آبائی علاقے منڈی بہاوالدین میں ادا کی گئی ہے جس میں سیاسی وعسکری قیادت نے بھی شرکت کی ۔
