دبئی (آئی این پی)اسلام آباد یونائٹڈ کے ہیڈ کوچ ڈین جونز نے کہا ہے کہ کرپشن کی روک تھام کیلئے پاکستان کرکٹ بورڈ کے اقدامات قابل تعریف ہیں، پاکستان کرکٹ بورڈ اور آئی سی سی نے کھیل کو صاف شفاف رکھنے کے لیے جو کوشش کی وہ انتہائی موثر ثابت ہوئی۔فکسنگ سکینڈل کے بعد 48گھنٹے ٹیم کیلئے انتہائی سخت گزرے،مصباح الحق نے ٹیم کا ماحول خوشگوار بنانے کی ہر ممکن کوشش کی۔ صحافیوں سے بات کرتے ہوئے ڈین جونز نے کہا کہ مصباح الحق پرسکون مزاج کے کھلاڑی ہیں جن کے جذبات آسانی سے ظاہر نہیں ہوتے جو ایک اچھی بات ہے
اور کم ہی لوگ ان کی بذلہ سنجی اور مذاق کی عادت دیکھ پاتے ہیں لیکن اس مشکل وقت میں انہوں نے اپنے رویے سے ٹیم کا ماحول خوشگوار رکھنے کی ہر ممکن کوشش کی۔ ڈین جونز نے کہا کہ کرپشن کی روک تھام کے لیے پاکستان کرکٹ بورڈ کے اقدامات قابل تعریف ہیں۔انھوں نے کہا کہ پاکستان کرکٹ بورڈ اور آئی سی سی نے کھیل کو صاف شفاف رکھنے کے لیے جو کوشش کی وہ انتہائی موثر ثابت ہوئی۔ڈین جونز نے کہا کہ اسلام آباد یونائٹڈ کا اگلا میچ پندرہ فروری کو کوئٹہ گلیڈی ایٹرز کے خلاف شارجہ میں ہے۔ڈین جونز نے کہا کہ ٹیم کو ان چار دنوں میں دوبارہ ذہنی طور پر یکجا کرنے کی کوشش کی جائے گی۔
