لاہور( این این آئی ) سینیٹ کی قائمہ کمیٹی برائے بین الصوبائی رابطہ نے پاکستان سپر لیگ میں مبینہ سپاٹ فکسنگ کے الزام کے بعد معطل ہونے والے کھلاڑیوں کو کمیٹی میں طلب کرنے کا فیصلہ کر لیا ۔ قائمہ کمیٹی کے سربراہ سینیٹر مشاہد اللہ خان نے کہا کہ یہ دو
کھلاڑیوں کا نہیں پوری قوم اور پاکستان کا معاملہ ہے ۔شرجیل خان اور خالد لطیف کو صفائی کیلئے قائمہ کمیٹی میں طلب کریں گے۔معقول معاوضہ ملنے کے باوجود کھلاڑیوں کا لالچ ختم نہیں ہوتا۔انہوں نے کہا کہ کھلاڑیوں پر الزامات ثابت ہو گئے تو یہ ہم سب کے لئے افسوسناک ہوگا۔
