اسلام آباد(آئی این پی)پاکستان کرکٹ ٹیم کے سابق فاسٹ باؤلر شعیب اختر نے میچ فکسنگ کے حوالے سے کہا ہے کہ کھلاڑیوں سے متعلق سن کر بہت تکلیف ہو رہی ہے ‘ کھلاڑیوں کا پینڈو پن سامنے آ گیا ہے ‘ پیسے کی خاطر انہوں نے خود کو بیچ دیا ‘ معاملے سے دنیا بھر میں بدنامی ہو رہی ہے۔ ہفتہ کو نجی ٹی وی سے گفتگو کرتے ہوئے شعیب اختر نے کہا کہ کھلاڑیوں
کے فکسنگ میں ملوث ہونے کا سن کر بہت تکلیف ہو رہی ہے ‘ افسوس اس بات کا ہے کہ ہم کس کلچر کا حصہ ہیں؟ ۔ انہوں نے کہاکہ پیسے کیلئے ہم کس حد تک جا سکتے ہیں۔ شعیب اختر نے کہا کہ معاملے سے دنیا بھر میں بدنامی ہو ہی ہے۔ کھلاڑیوں کا پینڈو پن سامنے آ گیا ہے پیسے کی خاطر انہوں نے اپنے آپ کو بیچ دیا ۔
