لاہور(آئی این پی) پاکستان سپر لیگ کے چیئرمین نجم سیٹھی نے شائقین پی ایس ایل کو خوشخبری سْنا دی۔ نجم سیٹھی نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان کرکٹ بورڈ کے اینٹی کرپشن یونٹ نے ذوالفقار بابر , محمد عرفان اور شاہ زیب حسن کو کلیئر قرار دیدیا ہے۔یہ تینوں کھلاڑی پی ایس کھیل سکیں گے۔ ان کا مزید کہنا تھا فاسٹ باؤلر محمد عرفان سے بھی
اینٹی کرپشن یونٹ سوالات کئے اور ان کو ابھی معطل نہیں کیا جا رہا۔نجم سیٹھی نے کہا اینٹی کرپشن یونٹ تمام کھلاڑیوں کی کڑی نگرانی کر رہا ہے۔واضح رہے اس سے پہلے اسلام آباد یونائٹیڈ کے محمد عرفان، کوئٹہ گلیڈی ایٹرز کے ذوالفقار بابر اور کراچی کنگز کے کھلاڑی شاہ زیب حسن کی مشکوک افراد سے ملاقاتیں کرنے کی خبریں گردش میں تھیں۔
