اسلام آباد(مانیـٹرنگ ڈیسک)پاکستان سپر لیگ میں معطل کئے گئے اسلام آباد یونائیٹڈ کے بلے بازشرجیل خان اور خالد لطیف وطن واپس پہنچ گئے ۔ تفصیلات کے مطابق کرپشن کے الزامات پر پاکستان سپر لیگ میں اسلام آباد یونائیٹڈ کے کھلاڑیوں شرجیل خان اور خالد لطیف کو پاکستان کرکٹ بورڈ نےمشکوک افراد سے رابطوں کی تصدیق ہونے پر معطل کرتے ہوئے وطن واپس روانہ کر دیا تھا۔ دونوں کھلاڑی وطن واپس پہنچ گئے ہیں۔
نجی ٹی وی چینل کے دعویٰ کےمطابق شرجیل خان دبئی سے کراچی کی پرواز میں دوران سفر مسلسل روتے رہے۔واضح رہے کہ وطن واپس پہنچنے والے اسلام آباد یونائیٹڈ کے معطل دونوں کھلاڑیوں کیخلاف پی سی بی پاکستان میں تفتیش کرے گا۔
