اسلام آباد(مانیٹرنگ ڈیسک)پاکستان میں دستاویزی کی عکسبندی کیلئے آئی معروف بھارتی فلمی اداکارہ کلکی کوچلن پاکستان کے حسن میں کھو گئیں۔ تفصیلات کے مطابق کلکی چلن کا کہنا ہے کہ

پاکستان میں ان کا گزرا ہوا وقت ہمیشہ کے لیے ان کی یادوں میں قائم دائم رہے گا۔ پاکستان کے دورے کے دوران بہت کچھ سیکھنے کو ملا، پاکستانی بہت ملنساراور مہمان نواز ہیں، پاکستانیوں کا رویہ بہت شاندار رہا۔کلکی نے کہا کہ پاکستان ایک خوبصورت ملک ہے جو دلکش مناظر سے بھرا ہوا ہے، اس ملک کی بہت سی جہتیں اور پرت ہیں۔ کلکی نے کہا کہ عکسبندی کے دوران دو ایسے لمحات آئے جو تا حیات ان کی یادوں میں ثبت ہوگئے ہیں۔ ایک سندھ کے صحرا میں شوٹنگ کے وقت جہاں غریبوں سے بھی غریب لوگ دیکھے جو پانی کے حصول کے لیے گھنٹوں سفر کرتے ہیں۔ ان لوگوں کے ساتھ میل جول نے مجھے بہت کچھ سکھایا اور اس کا بے حد اثر میرے پر ہے۔ دوسرا یاد گار لمحہ اسلام آباد کے مضافات میں پہاڑ کی چوٹی چڑھتے ہوئے ہوا جب ہم چوٹی پر سخت محنت کے بعد پہنچے تو بڑا اچھا لگا۔ کلکی نے کہا کہ ان کی فلم یقیناً کامیاب ہوگی۔بھارتی ادارکارہ کا کہنا تھا کہ انھوں نے ہدایتکار صبیحہ سے بہت کچھ سیکھا، انہیں صبیحہ نہایت حساس ہدایتکار لگیں جن کے ساتھ کام کا تجربہ شاندار رہا۔