پشاور(این این آئی)کوہاٹ میں ضلعی سیاست میں ڈرامائی تبدیلی آ گئی ہے۔ وزیراعلی پرویزخٹک کو اپنے ہاتھوں سے استعفیٰ دینے والے ضلعی ناظم مولانا نیاز محمد نے اسے جبری عمل قرار دیکرکوہاٹ میں ضلعی حکومت برقرار رکھنے کا فیصلہ کر لیا۔
ذرائع کے مطابق جے یو آئی(ف) کے ضلعی ناظم کوہاٹ مفتی نیاز محمد اپنے استعفے سے مکر گئے ،جے یو آئی(ف) اور پی ٹی آئی کے درمیان معاہدہ طے پانے کے بعد پی ٹی آئی کے امیدوار کے حق میں دستبرار ہوئے اور وزیراعلی ہاوس میں سی ایم پرویزخٹک کواپنا استعفیٰ پیش کرکیاتھا۔کرسی کی کشش کہیے یا پھر پارٹی قیادت کا دباؤ مفتی نیاز محمد دوسرے ہی دن اپنے ہی استعفیٰ کو جبراً قرار دیتے ہوئے مکر گئے ،دوسری جانب ضلعی ناظم کوہات مفتی نیاز محمد کے اپنے فیصلے سے مکرنے کے بعد ضلعی انتظامیہ حرکت میں آگئی اور ضلعی ناظم کے دفتر کو سیل کردیا۔
