اسلام آباد(مانیٹرنگ ڈیسک)پاکستان کرکٹ بورڈ کے بڑوں میں ٹیسٹ کپتان مصباح الحق کو آخری موقع دینے پر اختلافات سامنے آگئے ہیں۔تفصیلات کے مطابق ملکی کرکٹ کے مستقبل کیلئے پی سی بی کے بڑوں نے دبئی میں سر جوڑ لئے جبکہ پاکستان سپر لیگ کا دوسرا سیزن چند دن کی دوری پر ہے
ایسے میں مصباح الحق اور پاکستانی کرکٹ کے مستقبل کیلئے سخت امتحان کا وقت ہے ۔ذرائع کے مطابق پی سی بی کے اجلاس میں دورہ ویسٹ انڈیز کے سلسلے میں ٹیسٹ کپتان مصباح الحق کو اس دورہ پر بھیجنے یا نا بھیجنے پر غور و فکر کیا جائیگا ۔ذرائع کے مطابق چےئرمین پی سی بی شہریار خان ،ہیڈ کوچ مکی آرتھر، چیف سلیکٹر انضمام الحق اور ٹیسٹ کپتان مصباح الحق دورہ آسٹریلیا میں ناکامی پر گفتگو کرینگے۔چیف سلیکٹر انضمام الحق ٹیسٹ کپتان مصباح الحق کو ویسٹ انڈیز کے دورہ پر بھیجنے کے حق میں نہیں تاہم ہیڈ کوچ مکی آرتھر اور شہریار خان کا ووٹ مصباح الحق کے حق میں ہے۔
