کراچی(مانیٹرنگ ڈیسک) پاکستان تحریک انصاف کے سربراہ عمران خان کی کراچی میں نوجوانوں کو نصیحتیں، نئی نسل کو آگے بڑھنے کے گُر بتائے۔ایک نجی ٹی وی کی رپورٹ کے مطابق کپتان کا کہنا تھا کہ جنہوں نے معاشرے کو تبدیل کیا، دنیا انہیں ہی یاد رکھتی ہے، سیاست ان کا مشن ہے مگر ان کی جدوجہد نمل یونیورسٹی کیلئے ہے، پی ٹی آئی چیئرمین نے انگریزی میں خطاب سے انکار بھی

کردیا۔پاکستان تحریک انصاف کے سربراہ عمران خان ایکسپو سینٹر کراچی میں خطاب کیا، کپتان نے کراچی میں نوجوانوں کو نصیحتیں دیں ساتھ ہی آگے بڑھنے کے گُر بھی بتادیئے۔پی ٹی آئی چیئرمین کا کہنا تھا کہ جنہوں نے معاشرے کو بدلا دنیا انہیں یاد رکھتی ہے، جو ہار نہیں مانتا اسے ہی فتح ملتی ہے، سیاست میرا مشن، جدوجہد نمل یونیورسٹی کیلئے ہے۔عمران نے مزید کہا کہ امیر اور غریب کیلئے علیحدہ نظام تعلیم بڑا مسئلہ ہے۔ پی ٹی آئی سربراہ نے خطاب سے پہلے ہی انگریزی میں بات کرنے سے معذرت بھی کرلی۔