اسلام آباد(مانیٹرنگ ڈیسک)پاکستان کے سب سے بڑے صوبے بلوچستان کے ساحلی علاقوں گوادر ،پسنی ، تربت اور گردونواح میں شدید زلزلے کے جھٹکے محسوس کئے گئے۔تفصیلات کے مطابق بلوچستان کے ساحلی علاقوں میں زلزلے کے شدید جھٹکے محسوس

کئے گئے ،زلزلے کی شدت 6اعشاریہ 4بتائی جا رہی ہے جسکی زمینی گہرائی 10کلو میٹر ریکارڈ کی گئی ۔زلزلے کا مرکز پسنی کے مغرب میں 23کلو میٹربتایا جا رہا ہے۔زلزلے کے باعث لوگوں میں خوف وہراس پھیل گیا۔لوگ اپنے گھروں سے کلمہ طیبہ کا ورد کرتے ہوئے باہر نکل آئے ۔انتظامیہ ذرائع کے مطابق کسی قسم کے جانی ومالی نقصان کی کوئی اطلاع موصول نہیں ہوئی۔