اسلام آباد(نیوز ڈیسک)مشرقی افریقی ملک تنزانیہ میں مسافر بس اور ٹرک کے درمیان المناک تصاد م کے نتیجے میں کم از کم 40افراد ہلاک اور 23زخمی ہوگئے ہیں ۔صدر جاکایا کِکواٹےکے دفتر سے جاری ہونے والے ایک بیان میں کہا گیا کہ ملک کے مغربی قصبے مبایا سےایک مسافر بردار بس دارالحکومت دارالسلام کی جانب جا رہی تھی کہ راستے میں وہ سامنے سے آنے والے ٹرک سے ٹکرا گئی۔ صدارتی بیان میں کم از کم چالیس افراد کی ہلاکت کا بتایا گیا ہے۔ دیگر 23 مسافر شدید زخمی بتائے بھی ہوئے ہیں۔ مقامی میڈیا کے مطابق مسافر بس کو مختلف سمت سے آنے والے کنٹینروں سے لدے ٹرک نے ٹکر مار کچل دیا۔ طبی حلقوں کے مطابق کئی مسافر شدید زخمی ہیں اور ہلاکتوں میں اضافہ یقینی ہے۔