حیدر آباد(این این آئی)ٹینس سٹار ثانیہ مرزا نے نیا کام شروع کر دیا ، ابتدا بھی کر دی , ٹینس سٹار ثانیہ مرزا اب بچوں کو ٹینس کھیلنے کی تربیت دیں گی۔ ٹینس اسٹار نے حیدر آباد میں اپنے گھر کے قریب کڈز اکیڈمی قائم کر دی ۔میڈیا رپورٹ کے مطابق ٹینس اسٹار ثانیہ مرزا نے 2013 میں اپنی پہلی اکیڈمی کی بنیاد رکھی ٗاب انہوں نے دوسری اکیڈمی کو صرف بچوں کیلئے مخصوص کیا ۔

ثانیہ مرزا کے مطابق انہیں ٹینس کی کھلاڑی بننے کے لیے بچپن میں بڑی مشکلات پیش آئیں اس لیے وہ اب بچوں کو ٹریننگ کیلئے مناسب پلیٹ فارم مہیا کر رہی ہیں ۔ یہ اکیڈمی ان کے گھر کے قریب ہے اس لیے وہ بچوں کو بھرپور ٹائم دیں گی ۔ انہوں نے کہا کہ اکیڈمی میں تین سے آٹھ سال کے بچوں کو تربیت دی جا ئے گی ۔