اسلام آباد(نیوز ڈیسک)بعض اوقات انسان اپنی کوئی چیز بیچنے کے لیے ایسی حیرت انگیز پیش کش کردیتا ہے کہ سننے والا حیران ہوئے بغیر نہیں رہ سکتا ایسا ہی کچھ ہوا انڈونیشیا میں جہاں خاتون نے اپنا گھر بیچنے کے لیے مکان خریدنے والے کو مفت بیوی کی پیش کش بھی کرڈالی۔انڈونیشیا کے علاقے جاوا کے خوبصورت اور سیاحوں کے لیے دلکشی رکھنے والے جزائر سلمان کی رہائشی 40 سالہ بیوہ لیا وینا نے انٹرنیٹ پر ایک اشتہار لگایا جس میں کہا گیا کہ ایک گھر جس میں دو بیڈ روم، دو باتھ روم ، فش پونڈ اور پارکنگ کی جگہ موجود ہے اوراسے صرف 75 ہزار ڈالر میں خریدا جاسکتا ہے لیکن اس کے ساتھ ہی ایک عجیب و غریب پیش کش بھی کرڈالی کہ مکان خریدنے والا گھر کی مالکہ سے شادی بھی کرسکتا ہے، اشتہار میں کہا گیا کہ یہ پیش کش سنجیدہ لوگوں کے لیے ہے اور اس میں کہی گئی باتوں پر من وعن عمل کیا جائے گا، بس پھر کیا تھا اس اشتہار نے تو سوشل میڈیا پر لاکھوں افراد کی توجہ حاصل کر لی اور ایک دل جلے صارف نے تو اپنے تبصرے میں کہا کہ خاتون نے بڑی ذہانت سے یہ پیش کش کی ہے اس طرح انہیں گھر کی رقم بھی مل جائے گی اور شادی کے بعد بھی وہ گھر کی مالکہ ہھی رہیں گی۔دوسری جانب خاتون کے اشتہار کے بعد نہ صرف میڈیا کے نمائندے ان کے گھر پہنچ گئے بلکہ پولیس نے بھی پوچھ گچھ کے لئے ان کے گھر کا دروازہ کھٹکھٹا ڈالا، اس موقع پر خاتون کا کہنا تھا کہ میں نے اپنی دوست سے کہا کہ سوشل میڈیا پر مکان برائے فروخت کا اشتہار لگادو اوراس میں یہ بھی لکھ دو کہ اسے خریدنے کے لئے ایسا شخص رابطہ کرے جو مجھ سے شادی بھی کرسکے کیوں میں ایک بیوہ ہوں لیکن میری دوست نے لوگوں کی توجہ حاصل کرنے کے لیے اس میں کچھ تبدیلی کردی۔