ملتان(آئی این پی)سی ٹی ڈی نے ملتان میں کامیاب کاروائی کرتے ہوئے 5دہشت گردوں کو گرفتار کرلیا ،ملزمان سے اسلحہ اور دستی بم بھی برآمد ہوئے۔دہشت گردملتان میں حساس مقامات اور اہم شخصیات کو نشانہ بنانے کی منصوبہ بندی کررہے تھے۔

تفصیلات کے مطابق کاونٹرٹیرارزم فورس نے ملتان کے علاقے سہو چوک میں کامیاب کاروا ئی کی اور پانچ دہشت گردوں کوگرفتار کرلیا۔ملزمان کے قبضے سے دھماکا خیز مواد اور اسلحہ برآمد ہوا ہے۔گرفتار دہشت گردوں کی شناخت نصراللہ خان،زارساز خان،حکیم خان، روزی خان اورروح اللہ خان کے ناموں سے ہوئی ہے۔ سی ٹی ڈی ذرائع کے مطابق دہشتگرد حساس تنصیبات اور اہم شخصیات کو نشانہ بنانے کی منصوبہ بندی کر رہے تھے۔