لاہور(آئی این پی)پاکستان سپر لیگ (پی ایس ایل) کی فرنچائزلاہورقلندرزکے چیف ایگزیکٹوعاطف راناکو اپنی ٹیم کے فائنل کھیلنے کا یقین ہے جن کا کہناہے کہ اگر اْن کی ٹیم فائنل نہ کھیلی تو یہ زیادتی ہوگی۔پی ایس ایل کے دوسرے ایڈیشن کیلئے یواے ای روانگی سے قبل اپنے ایک انٹرویومیں عاطف راناکاکہناتھاکہ چونکہ گزشتہ ایونٹ کے برعکس اس بارہمیں تیاری کا بھرپورموقع ملاہے اورہم نے تیاری بھی دْنیاکے مانے ہوئے کوچ عاقب جاویدکی نگرانی میں کرائی ہے تو اس بار اْن کے کم ازکم فائنل کھیلنے کے امکانات زیادہ ہے۔