اسلام آباد(مانیٹرنگ ڈیسک)14فروری ویلنٹائن ڈے محبت کے اسیروں کیلئے خاص اہمیت کا حامل ہے۔جہاں اس دن نہ صرف محبت کرنے والے جوڑے اپنی محبت کے اظہار کے لئے نت نئے طریقے اختیار کرتے ہیں بلکہ اس کی مخالفت کرنے والے اس کو بیہودگی اور اخلاقی گراوٹ سے تعبیر کرتے نظر آتے ہیں۔ویلنٹائن ڈے منانے کے حوالے سے دنیا کے متعدد ممالک میں کئی قوانین اور روایات رائج ہیں
اہم اسلامی ملک سعودی عرب میں ویلنٹائن ڈے پر کسی کو پھو ل یا کوئی تحفہ دینا منع ہےجبکہ جاپان کوئی مرد کسی عورت کو تحفہ نہیں دے سکتابلکہ خواتین مردوں کو تحائف دیتی ہیں، سائوتھ افریقہ میں خواتین کو تحفطے پر اپنے دوست کا نام لکھنا لازمی قرار دیا گیا ہے، فن لینڈ اور ایسٹونیا میں ویلنٹائن ڈے کو دوستی کا دن قرار دیتے ہوئے دوستوں کے درمیان تحائف کا تبادلہ لازمی قرار پایا ہے۔گھانا کے شہری ویلنٹائن ڈے کو چاکلیٹ ڈے سے تعبیر کرتے ہیں اور اس دن چاکلیٹ بناتے اور تحفہ میں دیتے نـظر آتے ہیں جبکہ فلپائن میں اس دن اجتماعی شادیاں کروائی جاتی ہیں اور سینکڑوں جوڑے رشتہ ازدواج میں منسلک ہوتے ہیں جبکہ پاکستان میں ملا جلا رجحان پایا جاتا ہے۔
