اسلام آباد(مانیـٹرنگ ڈیسک)بنگلہ دیش میں دوستانہ میچ کے دوران بلے باز نے وکٹ مار کر 14 سالہ کرکٹر کا قتل کر دیا۔ تفصیلات کے مطابق بنگلہ دیش کے جنوب مشرقی شہر چٹاگانگ میں فیصل حسین فیلڈنگ کر رہے تھے جب بلے باز کو آؤٹ قرار دیاگیا تو بلے باز نے غصہ میں آ کر اسٹمپس کو اٹھا کر ہوا میں اچھال دیا جس کی زد میں قریب کھڑا فیصل آگیا
اوردرد کی شدت سے کراہتے ہوئے زمین پر گرگیاجسے فوری طور پر ہسپتال منتقل کیا گیا لیکن ہسپتال میں وہ جانبر نہ ہو سکا۔ڈاکٹروں نے موت کی تصدیق کر دی ہے۔ پولیس نے ملزم بلے باز کو حراست میں لے لیاہے۔واضح رہے اس سے قبل بھی گزشتہ سال مئی میں ڈھاکا میں ہونے والے میچ کے دوران امپائر کے فیصلے سے دلبرداشتہ بلے باز نے اسٹمپ سے 16 سالہ کرکٹر کو مار مار کر ہلاک کر دیا تھا۔
گزشتہ سال قتل ہونے والے سولہ سالہ کرکٹر کی رشتہ دار خواتین نوحہ کناں ہیں
