نئی دہلی (آئی این پی ) بھارتی سپریم کورٹ نے کہا ہے کہ اگر کوئی شہری ووٹ نہ دے تو اس کو حکومت سے سوال کرنے یا اس پر الزام لگانے کا کوئی حق نہیں ۔بھارتی میڈیا کے مطابق ایک سرگرم کارکن نے ملک بھر سے تجاوزات کے خاتمے کے لئے سپریم کورٹ میں درخواست دائر کی جس میں کہا گیا کہ اگر ملک سے تجاوزات نہ ہٹائی گئیں تو وہ اپنا ووٹ کاسٹ نہیں کریگا ۔

عدالت نے اس درخواست پر دوران سماعت ریمارکس دیئے کہ یہ انتظامی معاملہ ہے اس پر عدالت آرڈر جاری نہیں کر سکتی ۔چیف جسٹس جے ایس کھیر کی سربراہی میں قائم بنچ نے درخواست گزار سے استفسار کیا کہ آپ نے کبھی ووٹ کاسٹ کیا ہے تو اس پر درخواست گزار کا کہنا تھا کہ اس نے کبھی ووٹ پول نہیں کیا جس پر بنچ کے سربراہ نے کہا کہ جب آپ نے ووٹ ہی پول نہیں کیا تو آپ کو حکومت پر الزام لگانے اور اس پر سوال کرنے کا حق ہی نہیں ہے ۔